УКИиК

     1 декабрҙә вокал һәм хор музыкаһын һөйөүселәр Н.А.Некрасовтың поэзияһы классицизмдан алып хәҙерге заман композиторҙары әҫәрҙәрендә нисек сағылышын табыуҙы күрергә йыйылдылар.

       «Хор менән дирижерлыҡ итеү» бүлегенең уҡытыусыһы Эльза Камил ҡыҙы Кайбышева һәм 3 курс студенттары Мирослава Мерзлякова менән Лира Хәбибуллина әҙерләгән «Йәшел тауыш шаулай» тип аталған асыҡ класс сәғәте рус әҙәбиәте классигының, яҙыусы һәм публицист Николай Алексеевич Некрасовтың тыуыуына 200 йыл тулыуға арналған ине.

       Тыңлаусылар П.Чесноков, С.Рахманинов,  Г.Свиридов кеүек композиторҙарҙың әҫәрҙәре менән таныштылар. Некрасовтың һүҙҙәренә яҙылған Я.Пригожевтың бөтәһенә лә билдәле булған йыры классик һәм хәҙерге заман «Король һәм шут»  рок – төркөмө башҡарыуында яңғыраны. Некрасовтың шиғриәте музыкала бөтә быуынға ла аңлашылып ҡалды. Ул артабан да йәшәйәсәк.