УКИиК

         1 апрель Учалы ҡалаһының балалар китапханаһында «Урал-батыр эҙҙәренән» исемле фольклор байрамы үтте. Байрам сараһына Учалы ҡалаһының 10-сы һанлы мәктәбенең уҡыусылары саҡырылған ине. Башҡорт ере батырҙарға бай. Китапханасылар уҡыусыларға «Урал -батыр» эпосы буйынса   сәйәхәт ҡылырға тәҡдим иттеләр, эпостың яҙылыу тарихы менән таныштырҙылар.

        Мәктәп уҡыусылары эпостан өҙөк һөйләп ишеттерҙеләр, башҡорт халыҡ уйындарында ҡатнаштылар. С.Низаметдинов исемендәге Учалы сәнғәт һәм мәҙәниәт колледжы студенттары байрамда ҡатнаштылар. Улар үҙҙәренең сағыу сығыштары менән сараны биҙәнеләр. 3 курс студенттары Даминов А. Һәм Килмөхәмәтов А. башҡарыуында халыҡ йырын  ҙур ҡыҙыҡһыныу менән тыңланылар.  Р.Сәфиуллиндың ҡурайҙа уйнауы, А.Ялалованың башҡорт бейеүе тамашасылар күңеленә хуш килде.