УКИиК

          2021 йылдың 3 мартында профориентацион эштәр сиктәрендә С.Низаметдинов исемендәге Учалы сәнғәт һәм мәҙәниәт колледжы студенттары Учалы ҡалаһының 10-сы һанлы мәктәбенең уҡыусылары менән осраштылар. Был сара Бөтә донъя шиғриәт көнөнә арналған ине.

          Грек теленән тәржемә иткәндә поэзия «ижад итеү», «эшләү» тигәнде аңлата.  Шуға ла «Хор менән дирижерлыҡ итеү» бүлеге уҡытыусыһы  Ирина Леонидовна Трушкова һәм уның уҡыусылары Лира Хәбибуллина, Илдар Ҡлызбаев һәм концертмейстер Ирина Ивановна Протопопова менән берлектә А.С.Пушкин, М.Ю.Лермонтов шиғырҙарына яҙылған урыҫ композиторҙарының романстарына бик матур образдар тыуҙырғандар. Сара барышында Ф.Толстойҙың әҫәрҙәре яңғыраны.

        Поэзияның тарихы, уның башҡа сәнғәт тармаҡтары менән бәйләнеше тураһында һөйләгәндә слайдтар күрһәтелде.

       Осрашыу һуңында уҡыусыларға С.Низаметдинов исемендәге Учлы сәнғәт һәм мәҙәниәт колледжы хаҡында БСТ каналы төшөргән видеояҙма күрһәтелде, буклеттар таратылды.

     Был сара колледж һәм 10-сы һанлы мәктәп уҡытыусылары берлегендә ойошторолдо.

С.Низаметдинов исемендәге

Учалы сәнғәт һәм мәҙәниәт колледжының

«Хор менән дирижерлыҡ итеү» бүлеге уҡытыусыһы

Трушкова И.Л.