УКИиК

27 апрелдә С. Низаметдинов исемендәге Учалы сәнғәт һәм мәҙәниәт колледжында ата-әсәләр йыйылышы булып үтте. Байрамдар алдынан студенттар ата-әсәләренә ҙур булмаған концерт бүләк иттеләр.

Уҡытыусы-психолог Илһамова А. Г. “Үҫмерҙәрҙең аутоагрессив тәртибен киҫәтеү” тураһында һөйләне, колледж студенттары менән үткәрелгән психологик диагностика һөҙөмтәләре менән таныштырҙы, ата-әсәләргә ошо йәһәттән ҡайһы бер кәңәштәр бирҙе.

Директорҙың тәрбиәүи эш буйынса урынбаҫары Сергеева Е. Н. ата-әсәләрҙе “Үҫмер – 2019” район-ҡала кәңәшмәһе һөҙөмтәләре менән таныштырҙы, май байрамдары, йәйге ял осоронда балаларҙы ихтибар үҙәгенән ысҡындырмаҫҡа кәрәклеге һәм ата-әсәләр балалар өсөн яуаплы икәнлеген иҫкәртте.

Директорҙың уҡыу эшмәкәрлеге буйынса урынбаҫары Крайнова Е. Р. дәрестәргә йөрөү, уҡыу торошо мониторинг системаһы тураһында һөйләне, йәйге сессия графигы менән таныштырҙы.

Һуңынан ата-әсәләр уҡытыусылар менән осрашып һәр уҡыусы тураһында тулы мәғлүмәт алдылар.