УКИиК

2019 йылдың 20 мартында Учалы тау сәнәғәте колледжында “Йәштәр мөхите” дөйөм белем биреү  форумы үтте.

Форум майҙанына Учалы районының  200 самаһы уҡыусылары һәм студенттары йыйылды.  Форумда ҡатнашыусылыр алдында  администрация башлығы урынбаҫары Гордиенко З. М. сығыш яһаны һәм бөтәһенә лә уңыштар теләне.

 Уҡыусыларға һәм студенттарға  төрлө йүнәлештәге 10 майҙансыҡтан үтергә кәрәк ине. Һәр майҙансыҡта катнашыусылар алдында  эшҡыуарҙар, журналистар, спортсмендар  сығыш яһанылар. Улар үҙҙәренең эш тәжрибәһе, уңыш нескәлектәре, уңышҡа ирешеү  мөмкинлектәре менән таныштырҙылар. 

Һөҙөмтәлә, колледж студенттары “Ғүмер ҡыҫҡа, сәнғәт мәңгелек!” исемле үҙ проекттарын төҙөнөләр.  II курс студенты Курочкина Анастасия был проектты баһалама ағзалары алдында яҡланы.  Конкурс һөҙөмтәләре буйынса  беҙҙең  команда үҙ проектын тормошҡа ашырыу өсөн  7000 һумлык Сертификат  менән бүләкләнде.