УКИиК

Үткән аҙнала балалар музыка һәм сәнғәт мәктәптәрендә «Йәш таланттар-2019» Бөтә Рәсәй арт-проектының I этабы булып, унда артабанғы турға үткән конкурсанттар исемлеге билдәләнде. 
С. Низаметдинов исемендәге Учалы сәнғәт һәм мәҙәниәт колледжында 15 февралдә бәйгенең II һайлау туры түбәндәге номинациялар буйынса уҙасаҡ: 
— «Ҡурай», «Думбыра, ҡыл-ҡубыҙ» башҡорт милли музыка ҡоралдарында уйнаусы балаларҙың Бөтә Рәсәй конкурсы; 
— Ҡыллы музыка ҡоралдарында уйнаусы балаларҙың Бөтә Рәсәй конкурсы; 
— «Баян, аккордеон», «Домра, балалайка» милли музыка ҡоралдарында уйнаусы балаларҙың Бөтә Рәсәй конкурсы; 
— Театр жанрҙарында сығыш яһаусы балаларҙың Бөтә Рәсәй конкурсы; 
— «Минең утрауым – гитара» — йәш гитаристарҙың Бөтә Рәсәй конкурсы; 
— Йәш пианистарҙың Бөтә Рәсәй конкурсы; 
— Тынлы, һуҡма музыка ҡоралдарында уйнаусы балаларҙың Бөтә Рәсәй конкурсы; 
— Йәш вокалистарҙың Бөтә Рәсәй конкурсы. 
II һайлау турында еңеүселәр лауреат исеменә лайыҡ булып, диплом менән бүләкләнә. Ойоштороусылар комитеты һәм баһалама ағзаларының ҡарары буйынса, еңеүселәр Бөтә Рәсәй конкурсының III этабында ҡатнашасаҡ – ул бәйге ағымдағы йылдың март айында (20-29 март) Октябрьский, Салауат, Өфө ҡалаларында үтә. 
Йәш музыканттарға уңыштар һәм ижади еңеүҙәр теләйбеҙ!