УКИиК

Ер йөҙөндәге иң гүзәл һүҙ-Әсәй! Ноябрҙең һуңғы йәкшәмбеһендә әсәләргә оло хөрмәтен, тәрән һөйөүен, рәхмәтен белдереп, бөтә Рәсәй халҡы Әсәйҙәр көнөн билдәләй. Быуын быуындан һәр кеше өсөн әсә иң ҡәҙерле кеше булып һаҡланып ҡала.

23 ноябрҙә С. Низаметдинов исемендәге Учалы мәҙәниәт һәм сәнғәт колледжының концерт залында Әсәләр көнөнә арналған ҙур байрам тантанаһы уҙҙы.

Ҡотлау һүҙҙәре менән Учалы районы хакимиәте башлығы Ф.Ф.Дәүләтгәрәев сығыш яһаны.

Колледждың инструменталь, бейеү, йыр ансамблдәре бай йөкмәткеле программалар әҙерләп барыһын да хайран ҡалдырҙылар.Уҡытыусылар Д.Сәхәүетдинова, Г.Батырованың һәм студенттарҙың сығыштары бер кемде лә битараф ҡалдырманы. Байрам тантанаһына килгән ҡунаҡтар барлыҡ сығыштарҙы ла көслө алҡыштарға күмделәр.Байрам концерты һәр кемдең күңеленә хуш килде.

Элина Вәлиуллина