УКИиК

Делегаттар араһында С. Низаметдинов исемендәге Учалы сәнғәт һәм мәҙәниәт колледжы вәкилдәре лә булды. Ҡоролтайҙың башҡарма комитеты рәйесе З. Рәхмәтуллина башҡарылған эштәргә йомғаҡ яһап, киләһе эш йүнәлештәрен асыҡланы. Дөйөм алғанда, бөтөн йүнәлештәрҙә лә ыңғай динамика күҙәтелеүе билдәләнде.

Конференцияла сығыш яһаусылар милли спорт төрҙәрен, милли кейем өлгөләрен, ғаилә ҡиммәттәрен, телебеҙҙе һаҡлау һәм үҫтереү кеүек темаларҙы күтәрҙе. Шулай уҡ эскелек, суррогат иҫерткес эсемлектәрҙе һатыу кеүек проблемаларға ла ҙур иғтибар бирелде.

З.Н. Рәхмәтуллина йәшәү урынын алмаштырыу сәбәпле, яңы һайлауҙар үтте. Рәйес итеп бер тауыштан башҡарма комитеттың артабанғы үҫеше программаһын тәҡдим иткән Фәнил Бүләков һайланды. 

Конференцияның һуңында тантаналы рәүештә әүҙем йәмәғәтселәр бүләкләнде.

Әнисә Хажиева