УКИиК

С.Низаметдинов исемендәге Учалы сәнғәт һәм мәҙәниәт колледжында йыл әйләнәһендә күп һанлы саралар үткәрелә: иҫтәлекле ваҡиғаларға арналған байрамдар, кисәләр, концерттар, конкурстар. Был сараларҙы алып барыусыһыҙ үткәреп булмай. Шул уңайҙан колледж студенттары араһында алып барыусылар конкурсы үткәрергә ҡарар ҡабул ителде.

21 февралдә колледждың концерт залында халыҡ-ара туған телдәр көнөн арналған «Һеҙҙең сығыш!» исемле беренсе алып барыусылар конкурсы үтте.

Сараны дөйөм белем биреү бүлеге уҡытыусылары Алевский С.А. һәм Иванова Ф.Н. ойошторҙолар һәм үткәрҙеләр. Конкурсанттарҙың сығышын жюри ағзалары баһаланы. Жюри ағзаһы составы колледж уҡытыусыларынан торҙо: Вәлиева Н.Г., Зәйнышева Ю.Р., Крайнова Е.Р., Сахаутдинова Д.А.

Ҡатнашыусылар «Визит карточкаһы» һәм «Ҙур сәхнәнән уйын» этаптарына  алдан әҙерләнгәндәр ине.  Шулай уҡ уларға ижади эштәр менән бер нисә импровизация башҡарырға тура килде. Ижади эштәр ҡатнашыусыларҙа ла, тамашасыларҙа ла ҙур ҡыҙыҡһыныу тыуҙырыҙы.

Конкурс бик ҡыҙыҡлы үтте. Һәр бер ҡатнашыусы бүләккә  грамота ғына түгел, ә тамашасы һөйөүен дә яуланы.

Конкурс һөҙөмтәләре:

1-се урын —  Кузьмина Ангелина

2-се урын – Назаров Вячеслав;

3-сө урын — Дәүләтҡолов Эмиль.

Сергей Алевский,

Фания Иванова