УКИиК

       27 ғинуарҙа  Учалы ҡалаһы модель балалар китапханаһында XIX быуат урыҫ шағирҙары һәм композиторҙары ижадына арналған «Һәр дәүерҙә лә классик әҫәрҙәр» исемле әҙәби-музыкаль кисәһе үтте. XIX быуатта урыҫ музыкаһы әҙәбиәт үҫеше менән тығыҙ бәйләнештә булдылар. Урыҫ романсының үҫеше туранан-тура урыҫ шиғриәте йоғонтоһо аҫтында үтте.

       А.С.Пушкин, М.Ю.Лермонтов, А.А.Фет, А.И.Тютчев, А.В.Кольцов, В.А.Жуковскийҙың күп шиғырҙары А.А.Алябьев, А.Л.Гурилев, А.Е.Варламов кеүек композиторҙарҙың ижадында урын тапты. Улар ошо жанрҙа  юғары ҡаҙаныштарға өлгәшкән М.И.Глинка ижадына нигеҙ һалыуҙа ярҙамсы булдылар.

      Сара барышында ҡала мәктәптәре һәм лицей уҡыусылары ошо дәүер шағирҙарының шиғырҙарын һөйләнеләр. Артабан 3-сө һанлы лицейҙың 9 синыф уҡыусыһы Софья Хормушко башҡарыуында «Төн яҡты» романсын тыңланылар.

     Шиғриәт тураһында һөйләп үткәндән һуң  «Хор менән дирижерлыҡ итеү» бүлеге уҡытыусыһы Ирина Леонидовна Трушкова А.С.Пушкин, А.Е.Варламов, А.А.Фет шиғырҙарына яҙылған М.И.Глинкиның  «Я вас любил», «Не пой, красавица, при мне» исемле романстарын башҡарҙы. Концертмейстер Ирина Ивановна Протопопованың фортепианола уйнауы йөрәкә үтеп инерлек булды.

    Балаларҙа ҙур ҡыҙыҡһыныу менән романстарҙың барлыҡҡа килеү тарихы, сараға эшләнгән презентация,  «Һәр дәүерҙә лә классик әҫәрҙәр» китап күргәҙмәһе менән таныштылар.