УКИиК

Учалы сәнғәт һәм мәҙәниәт колледжында февралдең һуңғы декадаһында Ватанды һаҡлаусылар көнөнә арналған саралар үтте. Егеттәр өсөн хәрби-ғәмәли спорт төрҙәре буйынса ярыштар ойошторолдо (турникта тартылыу, сафта үҙеңде тотоу, автоматты йыйып-һүтеү һ.б.). Илгиз Түлебаев (1-се урын), Иҙел Әбдрәхманов (2-се урын) һәм Рамис Мәғәсүмов (3-сө урын) еңеүселәр тип табылдылар.

Инде йолаға әйләнгән «Ватанды данлайым» конкурсы патриотик йырҙарҙы башҡарыусыларҙы һәм шиғыр һөйләүселәр араһында иң яҡшыларын билдәне. Гран-приға Кузьмина Ангелина лайыҡ булды, ә төрлө номинацияларҙа еңеүселәр тип Вилдан Ғәлиәстанов, Гөлдәр Ғиниәтуллина, Айгүзәл Ямалова, «Фантазия» вокал ансамбле һәм 2-се курс студенттарының ансамбле танылды.

Шулай уҡ колледж студенттары «Тиҫтер» үҫмерҙәр клубы үткәргән «Тере хәтер» исемле сарала ҡатнаштылар. Улар Бөйөк Ватан һуғышы ветерандары, Афғанистан һәм Чечня хәрби ваҡиғаларында ҡатнашыусылар менән осраштылар. Эмиль Дәүләтколов, Диана Йәһүҙина, Азалия Ялалова, Эмиль Исҡужин, Айваз Малыбаев ветерандар алдында концерт номерҙары менән сығыш яһанылар.

Декадник сиктәрендә колледж студенттары Силәбе өлкәһе Трехгорный-1 ҡалаһы хәрби часы офицерҙары менән осрашты. Буласаҡ һалдаттарға ашығыс һәм контракт буйынса хеҙмәт тураһында һөйләнеләр.

Елена Сергеева