УКИиК

Еңеү көнө — ул беҙҙең илебеҙ өсөн бөйөк байрам. Шул хәтер көнөндә беҙ Бөйөк Ватан һуғышы фронттарында ҡатнашҡан яугирҙарҙы иҫкә алырға тейешбеҙ. Еңеү көнө алдынан С.Низаметдинов исемендәге Учалы сәнғәт һәм мәҙәниәт колледжында Бөйөк Еңеүҙең 75 йыллығына арналған саралар декаднигы старт алды. Илдә барған хәлде иҫәпкә алып, байрам саралары быйыл яңы форматта әҙерләнде.

Ошо көндәрҙә алдан иғлан ителгән «Һуғыш геройы» викторинаһына, Бөйөк Еңеүҙең 75 йыллығына арналған интеграцияланған олимпиада-викторинаһына йомғаҡ яһаласаҡ. Тематик класс сәғәттәре, кластан тыш саралар, «Еңеү хаты», «Беҙ һуғыш тураһында шиғырҙар менән һөйләйбеҙ», «Еңеү бейеүе» исемле флешмобтар үтәсәк. «Мин хәтерләйем! Мин ғорурланам!» исемле акция үтәсәк. «Бер кем дә, бер нәмә лә онотолмай» тигән стенд биҙәләсәк, «Бөйөк Ватан һуғышы тарихында көн» исемле рубрика алып барыласаҡ.

Колледжың уҡытыусылары һәм студенттары Еңеү көнөнә бүләк итеп «Бөйөк еңеүгә арнала» исемле музыкаль калейдоскоп әҙерләйәсәктәр. Декадник сиктәрендә «Һуғыш йылдарындағы моңдар» исемле музыкаль эстафета уҙасаҡ. Уҡытыусылар һәм студенттар һуғыш тураһында йыр һәм көйҙәрҙе төрлө музыка ҡоралдарында башҡарасаҡтар һәм йырлаясаҡтар.

Әлбиттә, Еңеү өсөн ғүмерен бирергә әҙер булған һалдаттарҙы иҫкә төшөрәсәкбеҙ.Уҡыусылар фронт хаттарын уҡып ишеттерәсәктәр, Тыуған илебеҙҙе һаҡлаған олаталары һәм ҡартаталары тураһында һөйләйәсәктәр. Беҙ һәр саҡ һуғышта ҡатнашҡан, яу яланында ятып ҡалған яугирҙарҙы хәтерләргә тейешбеҙ. Беҙҙең тыныс тормош өсөн уларға ҙур рәхмәтлебеҙ!