УКИиК

          2021 йылдың 3 февралендә С.Низаметдинов исемендәге Учалы сәнғәт һәм мәҙәниәт колледжында Һаулыҡ һәм әүҙем оҙон ғүмер йылына арналған «Йондоҙло сәғәт» интеллектуаль уйыны үткәрелде. Колледж  уҡытыусыһы Суфиянов А.Ж. ойошторған уйында «Хореография” бүлеге студенттарынан торған командалар ҡатнашты.  “Иң яҡшы ҡыҙҙар”, “Бурундуки”, «Көнсығыш ҡунаҡтары», «Темп» командалары 12 һорауҙан торған биш турҙа көс һынаштылар.  Беренсе курс студенттары әҙерләгән бейеү флешмобына тамашасылар ҙа  әүҙем ҡушылдылар.

Тәрбиә эше буйынса директор урынбаҫары Илһамова А.Г., методист Ғибәҙуллина Л.Д., студенттар советы рәйесе А. Кузьминанан торған жюри ағзалары фекер алышҡандан һуң, түбәндәгесә йомғаҡ яһанылар:

1 урын — «Темп» командаһы

2 урын — «Көнсығыш ҡунаҡтары», «Бурундуки»командалары

3 урын — «Иң яҡшы ҡыҙҙар» командаһы

Уйын эмоциональ юғары темпта үтте.