УКИиК

21 февралдә Социаль-психологик ярҙам үҙәгенең белгесе «Хореография ижады», «Хор менән дирижерлыҡ итеү», «Халыҡ йырын яңғыҙ башҡарыу» һәм «Йыр сәнғәте» бүлексәләренең 1 курс  студенттары менән осрашты.

С. Фәттәхова «Толерантлыҡ тураһында әңгәмәләр» темаһы буйынса дәрес үткәрҙе. Тема бик актуаль, сөнки хәҙерге заманда, үкенескә, йәмғиәттә агрессияның артыуы күҙәтелә, экстремизм күренештәре лә юҡ түгел, конфликттар даими ҡалҡып тора. Йәштәргә хас максимализм, социаль проблемаларҙы йәһәт кенә хәл итергә ынтылыш арҡаһында йәмғиәттәге тотороҡһоҙлоҡ айырыуса йәштәргә ҡағыла. Светлана Булат ҡыҙы уҡыусыларға башҡаларҙы ихтирам итеүҙең мөһимлеген , ни өсөн проблемаларҙы тыныс юл менән хәл итергә кәрәклеген аңлатты. Студенттар «Тыңла һәм эшлә», «Эксперимент», «Беҙ төрлө-төрлө, әммә беҙ оҡшашбыҙ» тип аталған күнегеүҙәр эшләне,  «Мәктәптәге эҙәрлекләүҙәр» тураһында тыңланы, анкета һорауҙарына яуап бирҙе («Сабырмы һеҙ?», «Үҙегеҙҙе контролдә тота беләһегеҙме?»)

Башҡа милләттәр менән татыу йәшәүҙең, бер-береңә ҡарата һаҡсыл һәм ихтирамлы булыуҙың әһәмиәте хаҡында иҫкәрткән әңгәмә һуңында студенттар Светлана Булат ҡыҙына ҡыҙыҡлы сара өсөн рәхмәтен белдерҙе.

Әлмира Илһамова