УКИиК

Ғинуарҙың 21-нән алып 31-нә тиклем С.Низаметдинов исемендәге Учалы сәнғәт һәм мәҙәниәт колледжы студенттары  студенттар декаднигы сиктәрендә үткән сараларҙа актив ҡатнаштылар. Студенттар көнө алдынан «Тиҫтер» үҫмерҙәр клубында үткән саранан ситтә ҡалманылар. Улар дөйөм белем биреү мәктәптәре уҡыусылары менән осрашып уларға үҙҙәренең студент тормошо тураһында һөйләнеләр. Мәктәп уҡыусылары һәм студенттар менән ҡыҙыҡлы уйындар һәм конкурстар үткәрелде.

Декадник үткәреү осоронда беҙҙең колледж уҡыусылары А.С Пушкиндың «Евгений Онегин» романы буйынса «Татьянин бал» тип исемләнгән театрлаштырылған кисәлә ҡатнаштылар. Колледждың «Көй» һәм «Сәнғәт һалдаттары» командалары ҡала йәштәр форумында «Иң музыкаль» һәм «Иң татыу» команда тип билдәләнде.

Декадник барышында студенттар Учалы районы хакимиәте башлығының социаль сәйәсәт буйынса урынбаҫары ваифаһын ваҡытлыса башҡарыусы Шәғәлина Г.И. менән осраштылар. Йәштәр һәм студенттар үҙҙәрен ҡыҙыҡһындырған һорауҙарға яуап алдылар. Беҙҙең колледж исеменән «Инструменталь башҡарыу» бүлегенең 3-сө курс студенты Анастасия Курочкина ҡатнашты.

Студенттар декаднигы ҡыҙыҡлы һәм ваҡиғаларға бай булды.

Елена Сергеева